Sorkar thuchhuah tarlan danin, Sports Minister chuan KISCE-a awm tur infiammi talent nei tha haichhuah leh thlan kawngah te, training pek danah te theihtawp chhuah thar a ngai a ni a ti a. Mizoramin infiamna kawnga hma a sawnnaah KISCE a thawkte chuan mawhphurhna pawimawh tak an nei a, hun puma thawk tur an nih angin, a hmuna riahchilh tum a nih thu a sawi.

Minister Lalnghinglova Hmar chuan, sports-a hlawhtling tur chuan a tha ber zinga tel a ngai a, induhsakna awm lovin, result tha nei ngei turin dik leh taima taka thawk turin KISCE staff lak tharte a chah a. National Games chu sawi loh, Northeast Games-ah pawh Mizoram result a la tha tawk lo a. Midang kan lehpelh theih hmain, an pen ruala pen phawt turin theihtawp kan chhuah a ngai a ni a ti.